காசே தான் கடவுளடா....

சிலருக்குக் காசு மட்டும் தான் குறி...

தன் குடும்பம் என்பதெல்லாம் கிடையாது. பணத்திற்காக யாரை வேண்டுமானாலும் எதிர்ப்பார்கள். பணமும், காமமும் மட்டும் தான் வாழ்க்கை என்றால் அதற்கு வேறு பெயர் உண்டு. அப்படி ஒரு வாழ்க்கை எனக்குத் தேவையில்லை. நான் அவை இல்லாமல் அன்பின் வழியது உயிர்நிலை என்று வாழ நினைக்கிறேன். 

நம்பிக்கை

எனக்கு ஒரு நம்பிக்கை உண்டு அதாவது, நமக்கு நேரம் கணித்து சொல்லும் ஜோசியரின் நேரம் நன்றாக இருந்தால் தான், அவர் சொன்ன வாக்கு பலிக்கும், பெரும்பாலும் ஜோசியர்கள் வணிகப்பட்டு போய்விட்டார்கள். எனவே, அவர்களின் வாக்கெல்லாம் பலிக்க வேண்டும் என்ற அவசியமில்லை.  ஒன்பது கோள்களில் எந்த கோளுமே நேர்கோட்டில் இல்லை என்னும் போது எப்படி அவை எல்லாம் நமக்கு சாதகமாக இருக்க முடியும். கிரக நிலை என்பது நமது வாழ்க்கையை சீராக வைத்திருக்கவே உதவுகின்றது. இன்றைய ராசிபலன் "விரையம்" என்றிருக்கிறதா? வெளியில் முடிந்தளவு கையில் பணம் தட்டுப்பாடில்லாமல் வைத்திருக்க முயலுங்கள். அனாவசியமான செலவுகளைத் தவிருங்கள். அப்படித்தான் எடுத்தக் கொள்ள வேண்டும். வெற்றி என்று இருந்தால், துவங்க வேண்டிய நல்ல விஷயங்களை உடனே செய்யுங்கள் என்கிற ஊக்கம் அது அவ்வளவு தான். தடைகள் அனைத்து நம்முள்ளிருந்து தான் தோன்றுகின்றன. என்னை உட்பட பலருக்கு இது தெரிந்திருந்தாலும், சராசரி மனிதர்களாக மட்டுமே நாம் பல நேரங்களில் சிந்திக்கிறோம். 

பரமசிவன் கழுத்திலிருந்து பாம்பு கேட்டது....

கருடா சவுக்கியமா?!!!

இப்படித் தான் பெரும்பாலானவர்கள் இருக்கிறார்கள். எத்தனை நல்லது செய்தாலும், நம் மீது குறை கண்டு பிடிப்பது ஒன்றே அவர்கள் நோக்கம். நல்லது, அவர்கள் அவ்வாறே இருக்கட்டும். யார் வாழ்வும் யார் கையிலும் இல்லை. அவரவர் கையில் தான் இருக்கிறது.